Greśiyada dawıl

Greśiya tropikal’ dawıl belӓn körӓşӓ.

Töbӓktӓ sirӓk küzӓtelüçe dawıl ayıruça ilneñ kön’yağındağı Mora yarımutrawı hӓm başqala Afina tirӓ-yağın çolğap aldı.

Dawıl arqasında su basuları barlıqqa kilde.

Cimerelgӓn ağaçlar êlektr bağanalarına zıyan saldı, şaqtıy öy hӓm êş urını zarar kürde.

Greśiyaneñ Grajdan saqlanu ğomüm sӓrqӓtiplegennӓn yasalğan açıqlawda da şaqtıy öyne su basuı, küp yullarnıñ yabıluı, su basular arqasında ilneñ kön’yağında poyezd sӓfӓrlӓreneñ tuqtatıluı belderelde.

Yanğın sünderü oyışması isӓ Morada ğına 640 yӓrdӓmgӓ çaqırunıñ yasaluın açıqladı.

İlneñ kön’yaq yar buylarında köçle cil hӓm zur dulqınnar distӓlӓrçӓ köymӓ hӓm yaxtanı ӓylӓnderde.

Argos şӓhӓrendӓ yılğanıñ taşuı nӓticӓsendӓ şaqtıy öyne su bastı, qayber transport çaraları su belӓn ağıp kitte.

Evia utrawında yuğalğan 3 keşene êzlӓw dӓwam itӓ.

Ӓgӓy diñgeze aşa ilneñ tön’yağına taba yünӓlgӓn dawılnıñ bügen Evia, Tesalya hӓm Tön’yaq Ӓgӓy utrawlarında küzӓtelüe kötelӓ.