İzrail - Ğarӓp dönyası mönӓsӓbӓtlӓre yaxşıra

İzrail prem’yer-ministrı Binyamin Netanyaxu İranğa qarşı suğış başlatuğa işarӓlӓp, ileneñ basınqı Ğarӓp dönyası belӓn mönӓsӓbӓtlӓreneñ könnӓn-kön yaxşıruın belderde.

Netanyaxu: “Suğıştan taypılu öçen hӓrtörle tırışlıqnı kürsӓtergӓ tiyeş bez, lӓkin suğış bezgӓ qarşı çığarılsa, bezne yuqqa çığarırğa telӓwçelӓrgӓ qarşı bar köçebez belӓn êşkӓ kereşӓçӓkbez,” – dide.

İranğa suğış belӓn yanağan Netanyaxu tübӓndӓgeçӓ dӓwam itte: “İran bügen Yaqın Könçığışta dönyanıñ küze aldında İzrailne yuqqa çığarırğa çaqıruçı höcümçe köçlӓr belӓn citӓkli. Üzebezne moña qarşı saqlaw bezneñ wazifabız. Yaqın Könçığış qurqınıçlar belӓn tulı. Lӓkin ut çatqıları da bar. basınqı Ğarӓp dönyası belӓn mönӓsӓbӓtlӓrenez üzgӓreş çorınnan uza. Zur illӓr İzrail belӓn mönӓsӓbӓtlӓrneñ qimmӓten añlıy bara.”

İzrail matbuğatı prem’yer basınqı itep taswirlağan illӓrneñ Berlӓşkӓn ğarӓp Ӓmerleklӓre hӓm Soğud Ğarӓbstanı belӓn Farsı qultığı illӓre buluın yazdı.

İzrail saqlanu ministrı Avigdor Liberman da kiçӓ yasağan açıqlawında ileneñ Süriyӓdӓge İran tӓmeklӓrenӓ höcüm itӓrgӓ dӓwam itӓçӓgen ӓytkӓn ide.