İtaliyädä migrantqa höcüm

İtaliyäneñ Siśiliya utrawında Gambiyädän kilgän migrantqa rasaçıl höcüm yasadılar. ANSA agentlığınıñ xäbärenä qarağanda, qorban 23 yäş’lek Jallow Salifä. Ênna şähärenä papa Franśisknıñ säfärennän soñ ul şimbä kiçe iptäşläre belän yöreşkä çığa. Şul waqıtta migrant yeget höcümgä duçar bula. Ul telefonnan söyläşü öçen iptäşlärennän yıraqlaşqan arada 25-26 yäş’lärendäge beräw anı muyınınnan qısıp tota häm cirgä êtä. Höcümçegä tağın 2 keşe quşılıp, yegetne yodırıqlar belän töyälär häm tibälär. Salifä köçkä-çaqqa ayağına basıp poliśiyä bülekçäsenä kitä. Anı xastaxanägä salalar.