AQŞtağı ğarasat

Amerika Quşma Ştatlarınıñ könçığış yarında xakimlek itüçe Florenśiyä ğarasatı säbäple ğomere özelüçelärneñ sanı 17gä citte. Su basu häm köçle cillär Tön’yaq Karolinada - 11, Kön’yaq Karolinada - 6 keşeneñ ülemenä kiterde. Hälaq buluçılar arasında 3 aylıq bäbäy dä bar. Ul öyläreneñ öztenä awğan ağaç astında qala.

Ğarasat säbäple şaqtıy yortnı su bastı.

Tön’yaq Karolinada Kabo-Feyr yılğasında sunıñ torğan sayın yuğarı menüe häm ber-ike kön êçendä taşırğa mömkinlege turında kisättelär. Älege yanawğa qarşı yılğa tiräsendä 2 meñ 800 öy öçen êvakuaśiyä qararı çığarıldı.

Uilmington şähärendä dähşätle cillär ağaçlarnı awdardı, küp sanda yortlarnı su bastı, maşina yörtüçelär su astında qalğan yullarda yöri almıyça tilmerde.

Şähär poliśiyäse, ğarasattan faydalanıp, ber yağulıq stanśiyäse belän kibetne basuların belderde. 6 şöbhälene qulğa alğannar.
Dawıl arqasında 2 meñnän artıq oçış ğamäldän çığarılğan.