Soğud Ğarӓbstanında styuardessalar bulaçaq

Soğud Ğarӓbstanında xatın-qızlar berençe tapqır pilot hӓm styuardessa bulu telӓgen çınğa aşıra.

Flaynas hawa yulı şirkӓte Twitter xisabında yasağan açıqlawında yӓrdӓmçe pilot citeşterü programmalarına Soğud Ğarӓbstanlı xatın-qızlarnıñ qabul itӓ başlanuı citkerelde.

Programmada qatnaşırğa telӓwçe xatın-qızlarnıñ Soğud Ğarӓbstanı watandaşı hӓm 35 yӓş’tӓn keçkenӓ buluı, kim digӓndӓ mӓktӓpne beterüe hӓm aviaśiya sertifikatınıñ buluı sorala.

Soğud Ğarӓbstanındağı Sabq xӓbӓr sӓxifӓse beldergӓnçӓ Flayadeal hawa yulı şirkӓte dӓ 20 styuardessa, 15 styuard alaçaq. Flayadealnıñ berençe tapqır styuardessa alacağı citkerelde.

Bu wazğiyӓtneñ aviaśiya tarmağın üsterüe kötelӓ.

Patşa Sӓlman bin Abdulaziz 26 sentӓbr’ könne açıqlağan qararnamӓ belӓn xatın-qızlar maşina yörtü tanıqlığı alıp, 24 iyunnӓn başlap maşina yörtӓ ala başladı.