Franśiyädä aêroportqa maşina bärep kerde

Franśiyäneñ Lion şähärendä beräw maşinası belän kirtälärne cimerep aêroportnıñ oçış yulına kilep kerde. Poliśiyä şunda uq xäräkät itte, şöbhälene qulğa aldılar. Sent-Êkzüperi aêroportında oçışlar cirle waqıt belän säğat’ kiçke 6ğa qadär kiçekterelde.

Töbäk idaräsennän yasalğan belderüdä oçış yulına kerüçeneñ şäxese äle açıqlanmawın äytälär. Ul qısqa waqıtlı panikağa säbäpçe bula. Şunnan soñ tärtip bozuçını iminlek xezmätkärläre êläkterä häm aêroportnıñ poliśiyä bülekçäsenä iltä.

Waqıyğadan soñ aêroportnıñ ber bülemen buşaltqannar. Anda töşäçäk oçqıçlar isä Marsel’ häm yaqındağı başqa şähärlärgä yünältelgän.  

Xäzer oçış yulındağı xälne terrorçı höcümenä kereşü tügelme dip tikşerälär.

Aêroporttağı yulçılarnıñ sośial’ çeltärdä urtaqlaşqan mäğ’lümatlarına qarağanda, şöbhäle artınnan küp sanda poliśiyä häm saq xezmätkärläre quğan. Berazdan tärtip bozuçı maşinasınnan töşep yögerä başlağan. Anı hawadan poliśiyä boralağı da êzärlekli. Şöbhäle şäxesne tiz arada totqarlıylar.

Frans İnfo xäbär itkänçä, älege şäxes aêroportqa bärep kergänçe A-46 häm A-42 şosselärendä ağımğa qarşı yünäleştä kilometrlarça yul ütkän, töbäktä êşlekle säfärlär öçen qullanıluçı Bron aêroportına bärep kerergä mataşqan, ämma ul barıp çıqmağan.