Brüssel’dä rasaçılıqqa qarşı miting
Çarada qatnaşuçılarnı “Citär artıq” şiğare berläşterde
Bel’giyä başqalası Brüssel’dä islamofob häm rasaçıl höcümnärgä rizasızlıq çarası ütte. Anı ilneñ islamofobiyä belän köräş cämğıyäte oyıştırdı. Qatnaşuçılar Ğadälät sarayı qarşında cıyıldı. Aralarında säyäsätçelär dä bar ide.
Çarada qatnaşuçılarnı “Citär artıq” şiğare berläşterde. Alar “Süzsez qalu - çişeleş tügel”, “Näfrät süzlärenä yuq”, “Rasaçılıqnı tuqtatığız” dip yazılğan plakatlar belän rizasızılıqların belderde. Çarada uqılğan belderüdä soñğı waqıtta rasaçıl häm islamofob höcümnärgä duçar buluçılarnıñ isemnäre atandı.
“Yalğış zamanda yalğış cirdä bulmağan keşelär näfrät tulı başqa keşelärneñ höcümnärenä duçar buldı.Bu qadär höcümnärdän soñ xökümätneñ süzsez qaluı yäisä xatalı süzlär äytüe qabul itelmäyäçäk,”-diyelde belderüdä.
Rasaçıl höcümnärgä duçar buluçılar öçen 1 minutlıq tınlıqtan soñ çara tamamlandı.