Êlekke ğaskärilärgä törmä

Bosniya-Gerśegovina mӓxkӓmӓse 1992-1995 yıllardağı suğışta ilneñ könçığışındağı Visegrad şӓhӓrendӓ tınıç xalıqqa qarata cinayӓt’ başqaruı nigeznamӓse belӓn ike êlekke serb ğaskӓriyenӓ törmӓ cӓzası birde.

Bosniyadӓge suğışta Serb Cömhüriyӓte Armiyase ӓğzase bulğan hӓm Visegradta bosniyalelӓrgӓ qarata xӓrbi cinayӓt’ başqaruları dӓğwası belӓn xökemgӓ tartılğan Momir Tasiç hӓm Petar Tasiç xaqındağı qarar açıqlandı.

Ğayeple dip tabılğan Momir Tasiç 14, Petar Tasiç isӓ 10 yılğa törmӓgӓ utırtıldı. Şulay uq xökemgӓ tartılğan hӓm suğış çorında Visegrad İctimaği iminlek üzӓgendӓ wazifa başqarğan Mirko Tasiç isӓ aqlandı.

Mӓxkӓmӓ Şurası başlığı Mediha Pasiç Momir hӓm Petar Tasiçnıñ Visegradtağı bosniyale tınıç xalıqnıñ sörgengӓ cibӓrelüendӓ qatnaşuın belderep, Momir Tasiçnıñ ayıruça ber bosniyale xatın-qıznı köçlӓwen ӓytte.

Mӓxkӓmӓ Momir Tasiçnıñ ӓlege xatın-qızğa yaqınça 13 meñ yevro kompensasiya tülӓwenӓ qarar birde.

Pasiç Momir, Petar hӓm Mirko Tasiçnıñ 1992 yılda 6 bosniyale ğayepsez keşene ӓsirlekkӓ aluların citkerep, ğazaplandırıluın soñınnan Serbiyağa cibӓrelüen hӓm annan soñ alardan xӓbӓrneñ kilmӓwen dӓ belderde.