Braziliyädä ilbaşı kandidatına höcüm
Sośial’- demokrat partiyäsennän däwlät başlığına kandidat Djeyr Bolsonaronıñ kükrägenä pıçaq belän qadadılar
1045013
Braziliyädä Sośial’- demokrat partiyäsennän däwlät başlığına kandidat Djeyr Bolsonaronıñ kükrägenä pıçaq belän qadadılar. Säyäsätçeneñ ulı Flavio ätiseneñ ciñelçä yaralanuın häm xastaxanägä yatqırıluın belderde.
Höcümnän soñ Bolsonaronıñ tarafdarları ğayeplene qıynap üterergä mataşa, poliśiyä xezmätkärläre köçkä qotqarıp qala. Höcümçene saq astına alalar. Anıñ 40 yäşendäge Adelio Bispo de Oliveyra isemle keşe buluın belderälär.
Bolsonaro yasalğan soraştırular buyınça däwlät başlığı kandidatları arasında ikençe urında bara. Ul saylaw aldı proşessınıñ iñ bäxäsle namzätlärennän. Djeyr Bolsonaro censi diskriminaśiyä, rasaçıl häm gomofob fşkerläre arqasında küpsanlı rizasızlıq çaralarına duçar buldı.