Skripal’ êşendä qulğa alu qararları

Angliya prokurorları êlekkege rus agentı Sergey Skripal’ belän qızı Yuliyanı ağulawda şöbhäle 2 Rusiyä watandaşın qulğa alu qararı çığardı. Bolar - Aleksandr Petrov häm Ruslan Boşirov. Tikşerüçelär beldergänçä, älege keşelärneñ 4nçe martta Skripal’lärne ağulawı belän bäyle dälillär citärlek. Yuristlar alarnı qulğa alu öçen Rusiyägä möräcäğat’ itä almawların äytä. Çönki andağı töp qanun üz watandaşların başqa ilneñ mäxkämäsenä tapşırunı röxsät itmi.

Angliya poliśiyäse ike şöbhäleneñ dä fotoların bastırdı. Alar ikese dä 40 yäş’lärendä.

Angliya tışqı küzläw xezmäte M16 öçen êşläwe bilgele bulğannan soñ, rus şımçısı Skripal’ tuğan ilendä törmägä kerä. Ul şımçı almaşu programmasına êlägep irekkä çığa häm Angliyadä yäşi başlıy. Skripal’ belän qızı 4nçe martta Solsberi şähärendä ber êskämiyädä añsız xäldä tabıldı. Ozaq waqıt xastaxanädä yatıp çıqtılar. Xäzer däwalawları öylärendä däwam itä.

Angliya Skripal’ belän qızınıñ ağulanuında Rusiyäne ğayepläde. Çönki bu êştä êlek Sovetlar berlegendä uylap çığarılğan xärbi sıyfatlı häm nerv sistemasına täêsir itüçe “Noviçok” gazı qullanılğan.

Waqıyğadan soñ Angliya Rusiyäneñ diplomatların qudı. Moña küp kenä başqa illär dä quşıldı.