Tramp İdlibtäge faciğagä yul quymasqa çaqıra

AQŞ ilbaşı Donal’d Tramp: “Bäşşar Äsäd Süriyäneñ İdlib şähärenä hiçber kirtäsez räweştä höcüm itä almasqa tiyeş,”-dide. Bu xaqta ul Twitterda yazdı. Tramp ruslar häm iranlılarnıñ bu keşelek faciğasendä urın alıp tirän xata yasayaçaqların belderä. Ul yöz meñnärçä keşeneñ ülergä mömkin buluın farazlıy häm moña yul quymasqa çaqıra.

Süriyädä oppoziśiyäneñ soñğı qal’gäse İdlibtä 4 millionğa yaqın grajdanlı Äsäd rejimı häm yärdämçelärneñ yasayaçaq operaśiyäsennän qurqa. Strategik cirdä urnaşqan İdlibtäge teläsä nindi bäreleş Törkiyä häm Awrupağa zur migraśiyä dulqınına säbäp bulaçaq.