Franśiyä Äsäd rejimına höcüm itärgä äzer buluın belderde

Franśiyä İblib mäs’äläsendä Rusiyä häm Törkiyägä möräcäğat’ itte. İlneñ tışqı êşlär ministrlığı süzçese Agnes fon Mül: “Rusiyä häm Törkiyäne Süriyäneñ İdlib töbägendä cäber-zolımnıñ kimüenä yünältelgän adımnarın saqlarğa çaqırabız,”-dide.  

Ul qaynar noqtada külämle, ışanıçlı häm däwamlı säyäsi çişeleş tabu öçen Süriyä krizisındağı töp aktyerlardan tış bu ike däwlät belän mönäsäbätlärne nığıtırğa kiräklegenä basım yasadı. Frasnśiyä Äsäd rejimı häm berlektäşläre tarafınnan İdlibkä yasalaçaq zur höcüm mäs’äläsendä borçulı. Parij isaräse anıñ näticäläreneñ bik awır häm yaña gumanitar hälakätkä säbäp bulacağı turında kisätte.

Mül, Franśiyä tışqı êşlär ministrı Jan-İv Le Drian da äytkän şikelle, İdlibtä ximik qoral qullanu qurqınıçı buluın söyläde. Ul qayberäylärneñ Äsäd rejimı tarafınnan süriyälelärgä qarata ximik qoral qullanılmawı turında yalğış mäğ’lümat kampaniyäse başlawına basım yasadı.  Franśiyä xökümäte, küzläw oyışmaları bu yanawnı raslasa, xäräkät itärgä äzer buluyın belderde.