Netan’yaxu Süriyä häm İranğa yanıy

İzrail xökümäte räise Bin’yamin Netan’yaxu Süriyädä Äsäd rejimı häm İrannıñ xärbi noqtalarına höcüm yasaw belän yanadı. Bu xäl Dimona atom-töş reaktorına êlekkege ilbaşı Şimon Päräsneñ isemen birü tantanasında buldı. Netan’yaxu anda çığış yasap Äsäd rejimı häm Tähran idaräse arasında imzalanğan xärbi xezmättäşlek kileşüenä qağılışlı fikerlären belderde. Ul İran belän Süriyä arasındağı bernindi süz berläşülärneñ İzrailgä kirtä bula almayacağına ışandırdı. “İzrail armiyäse İrannıñ Süriyägä xärbilär häm alğa kitkän qoral sistemaları kertü omtılışına qarşı köçle häm qararlı räweştä êşçänlegen däwam itäçäk,”-di Netan’yaxu.   

İran saqlanu ministrı Ämir Xatämi uzğan atnada Dimäşqqa kilde. Anda ike il arasında xärbi xezmättäşlekne küzdä totuçı kileşü imzalandı.