Tın okeanda cir teträw

Franśiyäneñ diñgez ar’yağı cirläre Loyout utrawları sulıqlarında 7,1 ball däräsendäge cir teträw buldı. Ul Tın okeannıñ kön’yağında urnaşqan. Bu xaqta AQŞnıñ geologik tikşerenülär institutınnan xäbär ittelär. Teträw Franśiyäneñ Yaña Kaledoniya töbägenä bäyle Mare utrawınnan 230 kilometr yıraqlıqta terkälgän. Ul okean öslegennän 26 kilometr tiränlektä bulğan. Ülüçelär häm matdi zıyan turında mäğ’lümat birelmäde.

Belgeçlär teträwneñ Tın okeannı tulısınça täêsire astına alaçaq zur dulqın barlıqqa kiterüen kötmi.  

Yaña Kaledoniya Tın okeanda cir teträwlär häm vulkan şartlawlar yış bula torğan sızıq östendä urnaşqan.