Kaliforniyada yözlärçä üle balıq yarğa atıldı
Ğalimnär bu balıq ülemnären sunıñ ğadättän tış cılı buluı belän bäyli
1039104
AQŞnıñ Malibu lagunasında dulqın yarğa yözlärçä üle balıq çığarıp attı. Kaliforniya ştatı tabiğat’ parkları inspektorı Kreyg Sap beldergänçä, ğalimnär uzğan atna çärşämbe könnän birle däwam itüçe bu balıq ülemnären sunıñ ğadättän tış cılı buluı belän bäyli. Şulay uq, kislorod däräcäseneñ azayuı, lagunada balıq sanınıñ artuı häm tuqlanu kimü ixtimalların da qarıylar. Tikşerü öçen balıq häm su ürnäkläre alınğan.
Malibu lagunasında 2013nçe yılda tartışularğa säbäp bulğan tözekländerü proyektı tormışqa aşırılğan ide. Qayber tirä-yaq moxit sağındağı törkemnär anıñ sizger tabiğıy yäşäw alanına häm êkosistemağa zarar birüen alğa sörä. Cirle xalıq ta balıqlarnıñ älege proyekt arqasında ülüenä ışana.
