Yämändä keşesez hawa apparatı bärep töşerelde

Yämän armiyäse Bäyda rayonında xusilärneñ şartlatuçı tutırılğan keşesez hawa apparatınıñ bärep töşerelüen belderde. Tikşerülär näticäsendä apparatnıñ İranda çığarıluı açıqlandı. Dronnıñ bärep töşerelü waqıtı häm räweşe xaqında mäğ’lümat birelmäde.  

Yämän armiyäse 24nçe dekabr’dä Numan cirlegeneñ Saha rayonı häm Natıdağı qayber rayonnarnıñ xusilärdän kire alınuın beldergän itte.

Yämän xökümäte häm Soğud Ğaräbstanı citäkçelegendäge koaliśiyä köçläre İrannı tüntäreleş yasağan xusilärgä yärdäm itüdä ğayepli.  

Yämändä küptän säyäsi totrıqsızlıq xökem sörä. Xusilär 2014nçe yılnıñ sentyabrennän birle başqala Sana häm qayber başqa töbäklärne kontrol’dä tota.