İdlibtäge şartlawda ülüçelär sanı arttı

Süriyädä İdlib töbägendäge Särmada rayonında kiçä bulğan şartlawda ülüçelär sanı 67gä, yaralılar - 50gä citte.

İdlib grajdannar saqlanu oyışması “Aq beretlar” mödire Mostafa Hac Yusuf beldergänçä, şartlaw tön’yaq Xumustan küçenüçelär yäşi torğan cirlektä bula. Anda 6 qatlı ike bina cimerelä. Xaräbälär astınnan älegä qadär 67 keşeneñ cansız gäwdäsen qazıp alğannar. Alarnıñ 35e xatın-qızlar häm balalar.

Şartlaw tawışı irtänge 4lär tiräsendä bula. Anın täêsire belän yaqın-tirädäge binalar häm maşinalar da zarar kürä.

Waqıyğanıñ säbäplären tikşerälär.