Yämändä 3 meñ danä qoral tartıp alındı

Yämän iminlek köçläre ilneñ könçığışındağı Şäbvä rayonında yaqınça 3 meñ qoralnı tartıp aldı. Xökümätkä bäyle Şäbväniyyä êlit berlek tarafınnan yasalğan belderüdä äytelgänçä, Şäbvä rayonı märkäze Atak şähärendä härtörle qoral yörtüne tıyuçı kampaniyä kiçä ğamälgä aşırıla başlağan. Bu çaranı xalıq taläp itkän. Çönki töbäktä cinayät’ häm sabotaj kiñ cäyelgän. Kampaniyä cirlektä imin tormış täêmin itüne maqsat itep quya. Ul, xärbi xezmätkärlär tışında, här keşegä qağıla.   

Cirle matbuğat çaraları beldergänçä, yämänle watandaşlarnıñ qulında yaqınça 60 million qoral bar. Däwlät qanunnarı keşelärgä atu qoralı satıp alırğa röxsät itä. Ämma ildä 3 yıldan artıq däwam itüçe bäreleşlär bu xälneñ naçar näticälälären arttırdı.

Yämändä küptännän säyäsi totrıqsızlıq xökem sörä. Qanunlı xökümätne xusilär bärep töşerde. 2014nçe yılnıñ sentyabrennän birle alar başqala Sana häm qayber töbäklärne kontrol’dä tota.