Ülüçelӓr sanı 131gӓ citte

İndoneziyaneñ könçığışındağı Lombok utrawında barlıqqa kilgӓn 7 ball zurlığındağı cirtetrӓwdӓ ğomere özelüçelӓr sanı 131gӓ citte.

Milli afӓt idarӓ agentlığı süzçese Sutopo Purwo Nugroho cirtetrӓwdӓ 1477 keşeneñ yaralanuın açıqlap, töbӓktӓ 156 meñnӓn artıq keşeneñ imin urınnarğa küçerelüen belderde.

Nugroho ayıruça öylӓr belӓn mӓktӓp hӓm cӓmiğ kebek dӓwlӓt binaları belӓn barlığı 43 meñ tirӓse qorılmağa zilzilӓneñ zıyan saluın citkerde.

Töbӓkta êzlӓw hӓm qotqaru êşçӓnleklӓre dӓwam itӓ, rӓsmi zatlar ayıruça azıq-tölek hӓm çista su belӓn tӓêmin itü öçen cirtetrӓwdӓ zıyan kürgӓnnӓrgӓ yӓrdӓm itӓrgӓ çaqıra.