Tön’yaq Koreyağa gumanitar yärdäm cibärü

BMO İminlek şurası atom-töş programması säbäple sankśiyälär kertelgän Tön’yaq Koreyağa gumanitar yärdäm cibärüne caylaştıraçaq adımnar yasadı. Bu täq’dim AQŞtan kilde. Tön’yaq Koreyağa yärdäm cibärergä teläwçe oyışmalar häm illär sankśiyälär arqasında zur qıyınlıqlar belän oçraşa ide. Yaña dokument nigezendä bu êş ciñelläşte.

Tön’yaq Koreyada, atom-töş programması säbäple, 2006nçı yıldan birle iq’tisadi häm xärbi sankśiyälär ğamäldä.  

BMO qararları sankśiyälärneñ gumanitar yärdäm oyışmalarına yoğıntı yasamasqa tiyeşlegen kisätsä dä, byurokratik kirtälär yärdäm cibärü êşlären bik aqrınayta.

Räsmi mäğ’lümatlar buyınça, Tön’yaq Koreyada xalıqnıñ 40%ı, yäg’ni 10 millionnan artıq keşe gumanitar yärdämgä moxtac.

Däwlättä daimi räweştä azıq-tölek citmäwçelege bar. Şuña kürä här 5 balanıñ berse üsü häm alğaruda artqa qalğan.