Rusiyä NATOnı kisätä

Rusiyä xökümäte räise Dmitriy Medvedev Gruziyäneñ NATOğa kerüeneñ qurqınıç bäreleşlärgä kiteräçägen farazlıy. Ul bu xälneñ cimergeç näticälärgä säbäpçe bulacağın belderde. Bu xaqta ul ber radio tapşıruında söyläde. Medvedev fikerençä, 2008nçe yılda Osetiyada çıqqan suğışnı buldırmıy qalu da mömkin ide. Şuña kürä, ul Gruziyäneñ NATOğa kerüeneñ nigä kiräklegen añlamawın äytä.  

Rusiyä däwlät başlığı Vladimir Putin êlegräk tä NATOnıñ Gruziyä häm Ukrainanı êçenä alıp kiñäyüen tiskäre bäyäläwen beldergän ide.

NATO ğomum särqatibe Yens Stoltenberg isä berlektäge barlıq illärneñ Gruziyäne äğ’zalıqqa äzerläw öçen êşçänlekne däwam itäçägen äytte. Bügen Latviya, Litva häm Pol’şanıñ tışqı êşlär ministrları oçraşular ütkärü öçen Gruziyä başqalası Tifliskä bara.