Kaliforniyada tağın yanğın

Kaliforniyada qabat urmannar yana. Ul ştatnıñ tön’yağındağı Mendoçino milli urmannarı yanında çıqtı.

Mendoçino şähäre şerif yärdämçese Mêt’yu Kendall beldergänçä, yanğın sişämbe könne kiçke säğat’lärdä iske ferma häm basular bulğan Kovelo awılında başlanğan. Toraq punkttağı 60 yortqa êvakuaśiyä qararı çığarılğan.

Şul uq waqıtta, ştatnıñ Şasta töbägendäge quaqlıq mäydanda uzğan atnada çıqqan ut ta sünderelmäde. Maxsus xezmätlär anıñ barı 23%ın kontrol’gä aluların belderä. Älege yanğında 8 keşeneñ ğomere özelde, 165 yort zarar kürde. Sünderü êşçänlegennän soñ êvakuaśiyälängän 10 meñ keşeneñ öylärenä kire qaytuına röxsät birelde.