3 ülçämle printer belän qoral yasaw

AQŞta 3 ülçämle printer belän qoral yasarğa mömkinlek birüçe dos’yelarnı internet aşa cäyelderü tıyıldı. Mondıy qararnı Siêtldağı ber mäxkämä çığardı. Anda älege sızımnarnıñ Amerika watandaşlarına qaplap bulmaslıq zarar kiteräçägen säbäp itep kürsätälär.  

Tramp idaräse belän Texastağı ber qoral şirkäte arasındağı söyläşülär näticasendä dokumentlarnı internetta çığaru turında kileşü tözelde. Şunıñ qısalarında, dos’yelar bügen bötendön’ya çeltärendä päyda bulırğa tiyeş ide. Ämma 8 ştat qorallanunı tärtipkä salu belän qarşılıq tuuını säbäp itep kürsätep federal’ xökümätkä qarata däğ’wa açtı. Siêtldağı mäxkämä taläpne xaqlı dip taptı häm sızımnarnıñ internetta çığuın tıydı.