Kaliforniyadağı yanğında ülüçelär sanı 8 gä citkän
50 meñ keşe başqa urınğa küçerelgän
1023085
Amerika Quşma Ştatlarınıñ Kaliforniya ştatındağı yanğınnar haman da kontrol’ astına alınmağan.
"Los Angeles Times" gazetında urın alğan xäbärgä kürä ,uzğan atnada başlanğan yanğınnarda 8 keşeneñ ğomere özelgän.
Alardan ikese yanğın sünderü xezmätkärläre.
Yuğalğan 7 keşe haman da tabılmağan.
Yanğın säbäbe belän yäşägän cirlärennän küçerelgän keşe sanı 50 meñgä citkän.
Fäläkättä 657 yort yanğan, 145 yort zıyan kürgän.
23 nçe iyül’dän birle däwam itüçe yanğın yaqınça 350 kvadrat kilometr mäydanğa taralğan.
Amerika Quşma Ştatları ilbaşı Donal’d Tramp yanğın töbägendä ğadättän tış xäl iğ’lan itkän.
