Yämändä köymä äylänep qaplandı
Köymädä Somali häm Êfiopiya çığışlı 120dän artıq qaçaq bulğan
1016554
Yämänneñ Şäbvä töbäge sulıqlarında qaçaq migrantlarnı utırtqan ber köymä äylänep qaplandı. Nätimcädä 3 keşe ülde, 2 keşe yuqqa çıqtı.
Räsmi mäğ’lümatlarğa qarağanda, köymädä Somali häm Êfiopiya çığışlı 120dän artıq qaçaq bulğan. Köymä bu qadär keşegä çıdıy almağan, äylängän. Qaçaqlarnıñ üzläre äytüençä, qaza köçle cil näticäsendä kilep çıqqan.
Waqıyğa urını yarğa yaqın buluı öçen kübese qotqarıldı. Ämma 3 keşe - alarnıñ 2se xatın-qız – batıp ülde. Yuğalğan 2 keşene isä êzlilär.
Xökümätkä bäyle berleklär häm qayber aktivistlar qaçaqlarnıñ tön qunuı häm başqa ixtıyacları öçen yärdäm itte.
Diñgez yulı belän Yämängä kilgän afrikalı qaçaqlar, Soğud Ğaräbstanına kitü öçen, çik buylarına taba yünälergä tırışa.
