Ğıyraqta şartlaw

Ğıyraqnıñ kön’yağındağı Kärbäla şähärendä Xaşdi Şabinıñ ber suğış kiräk-yaraqları saqlağıçında şartlaw buldı. Anda 15 keşe yaralandı. Armiya kapitanı Alaa Nasır äytüençä, şartlawnıñ säbäbe älegä açıqlanmağan. Ul älege suğış kiräk-yaraqları saqlağıçınıñ şiğıy suğışçan köçe Xaşdi Şabiğa bäyle Ali Äkbär brigadasınıqı buluın belderde. “Saqlağıç toraq punktqa yaqın buluı näticäsendä 15 keşe yaralandı. Alarnıñ barısı ğadi xalıqtan,”-dide Alaa Nasır.

Xäzerge waqıtta şartlawnıñ säbäpläre tikşerelä. Töbäkkä kerü-çığular tıyılğan. Anda yäşäwçelärgä uramğa çıqmasqa kiñäş itälär.