Makedoniyanı NATOğa alalar

Makedoniya berniçä ay êçendä NATOnıñ tulı äğ’zası bulacaq. Bu xaqta ilneñ saqlanu ministrı Radmila Şekerinska belderde. Ul Makedoniyägä kiläse atnada NATOdan äğ’zalıq çaqıruı kiläçägen dä xäbär itte.

Makedoniya xökümäte saqlanu häm armiyäneñ üseş strategiyäsen rasladı.

Şekerinska, tawış birüdä çığış yasap, Skop’yenıñ êzlekle räweştä reformalar öçen êşläwen häm NATO äğ’zalığı öçen barlıq taläplärne cirenä citkerüen söyläde. “Bu strategik dokument, asılında, ildäge barlıq saqlanu reformasınıñ könüzägendä. Anı xäzerläw, iminlegebez häm NATO äğ’zalığıbıznıñ garantiyäse tarafına atılğan ber adım,”-dip belderde ul.

Ministr uzğan yıl Montenegronıñ NATOğa kerüen xäterläde. Ul kürşe däwlätne täbrik itep: “Bezneñ maqsatıbız ittifaqnıñ 30nçı äğ’zası bulu,”-digän. Xäzer isä Şekerinska: “Ber yıl êlek bu süzlärem teläk şikelle ide, bügen küzlärebez qarşındağı çınbarlıq,”- dide.   

NATO sammitı 11nçe-12nçe iyül’ könnärendä Bel’giyä başqalası Brüssel’dä ütäçäk.