İzrail’ ğaskärläre Törkiyä bayrağı kütärüçegä attı

İzrail’ ğaskärläre Ğazzä çigendä Törkiyä bayrağı kütärüçegä ut açtı. Anıñ ayağın yaraladılar. Xärbilär “Böyek qaytu yöreşe” qısalarında demonstraśiyägä çıqqan fälästinle xatın-qızlarğa çın yädrä häm gaz belän qarşılıq kürsätä. Unnarça keşeneñ yaralanuın xäbär itälär.   

Ğazzädäge Sälamätlek saqlaw ministrlığı süzçese Äşräf äl-Qudra beldergänçä, çara waqıtında 134 keşe yaralanğan. Alarnıñ kübese xatın-qız.

Yaralanuçılar arasında Törkiyä bayrağı kütärgän ber yäşüsmer dä bar. Anıñ ayağına atalar. Yaralanuına qaramastan, ul qulınnan törek bayrağın töşermi.  

Fälästinlelär “Cir köne”neñ 42nçe yılı uñayınnan 30 nçı marttan birle “Böyek Qaytu yöreşe” iseme astında çaralar ütkärä. Alar 2006nçı yılda quılğan cirlärenä kire qaytırğa röxsät häm Ğazzäne xoquqsız qamawnı beterüne taläp itä. İzrail’ ğaskärläre tınıç demonstrantlarğa çın yädrälär belän ut aça.