Franśiyädä êş taşlawçılar tübägä mende

Franśiyanıñ Le Gavr şähärendä sälamätlek sisteması häm êşläw şartlarına rizasızlıq belderüçe xezmätkärlär xastaxanä tübäsenä mende. P’yer Djanet psixiatriya xastaxanäsendäge 7 awıru qarawçı häm şäfqat’ tutaşınıñ 16nçı iyün’dä başlağan êş taşlawı däwam itä. 26nçı iyün’dä alar bina tübäsenä menep rizasızlıq belderä başladı. Küp sanda keşe, xastaxanä xezmätkärlärenä teläktäşlek belderep, şähär parlamentı häm töbäk kongressı cıyılışlarına bärep kerde.

Xökümät räise Êduard Filipp bu wazıyfağa kilgänçe Le Gavrda xakimiyät başlığı bularaq êşlägän. Xezmätkärlär aña şähär xastaxanäsendäge wäzğıyät’neñ ütä naçar buluın belderde. 5 keşelek palatalarda 15 awırunı däwalawların, alarnı känäfi häm urındıqlarğa yatqıruların söylädelär.

Franśiyada şul uq töbäktä bulğan Ruvrey däwlät xastaxanäse xezmätkärläre dä 2 aylıq açlıq iğ’lan itte. İdarä bernindi dä çara kürmägäç, alar binanı basıp aldı.