Yuğalğan futbol komandası tabıldı

Tailandta 9 kön êlek yuğalğan yäşüsmerlär tabıldı. 12 baladan toruçı futbol komandası häm 25 yäş’lek trenerları, mäğarägä kergännän soñ, köçle yañğırlar näticäsendä cir ubılıp, êçtä yabılıp qalğannar ide. Soñınnan mäğaräne su bastı häm êzläw-qotqaru êşläre awırlaştı. Su zur tizlek belän öskä kütärelde. Qotqaruçılarğa yärdämgä xärbi akvalangistlar kilde. Şulay uq, AQŞ, Angliya, Avstraliya häm Qıtaydan belgeçlär quşıldı. Balalarnı êzläw xalıqara operaśiyägä äylände.

 Bäxetkä, qıyın şartlarda alıp barğan êşlär söyeneçle küz yäş’läre belän tamamlandı. Atnadan artıq mäğarä işege töbendä xäbär kötkän äti –änilärneñ şatlığın äytep betererlek tügel.  

“Qaban duñğızı” futbol komandası 23nçe iyün’dä, küñel açu çaraları qısalarında, mäğarälär sistemasın qararğa bardı. 11-16 yäş’lär arasındağı 12 ir bala häm alarnıñ trenerları qarañğı tunnel’lärdä biklänep qaldı. Alar su basqan mäğarädä yärdäm kilüen kötkän.  

Sportçılarnıñ sälamätlekläre yaxşı ikänen xäbär itälär.