Franśiyada ber mäxkümneñ törmädän macaralı qaçuı

Franśiyada ber mäxküm qorallı 3 keşe tarafınnan törmä işegaldına töşerelgän boralaq belän qaçtı. Frans İnfo xäbärendä yazılğança,  qaçuçı 25 yılğa räşätkä artına yabılğan 46 yäş’lek Redoin Faid. Ul Parijnıñ kön’yağındağı Reo törmäsendä utırğan.

Qaçuğa kilgändä, urlanğan boralaqnı törmä işegaldına qorallanğan 3 keşe töşerä. Alar başta töten bombası ata häm qapqanı timer kisüçe belän açıp mäxkümne tışqa çığara. Bu êşlär berniçä minut qına däwam itä. Soñınnan boralaqqa utırıp törmädän qaçalar.     

Boralaq yaqınça ber säğat’ däwam itkän qualawdan soñ Şarl’-de-Goll’ aêroportı yanında yanğan xäldä tabıla. Qorallı keşelär urlanğan boralaqnıñ oçuçısın irekkä cibärep qara maşina belän A1 trassasına taba kitkän. Soñınnan alar maşinaların alıştırıp êzlären çualta.

Faid küp sanlı cinayät’lärdä qatnaşqan. Soñğı tapqır ul 2010nçı yılda ber bank maşinasın talağan waqıtta yäş’ poliśiyä xezmätkären üterep 25 yılğa xökem itelde. Mäxküm tormışı häm uğrılıqları turında kitap yazdı. Ul 2013nçe yılnıñ 13nçe aprelendä dä törmädän qaçqan ide. Ay yarımnan anı ber qunaqxanädä êläkterdelär.