İtlärdä “süper bakteriya” tabılğan

AQŞta supermarketlarda satıluçı itlärdä antibiotikka qarşı toruçı nindider “süper bakteriya” tabuların belderälär. Bu tovarnıñ yaqınça 80%ında bar dip sanala. Tikşerüne “Êkologiya êş törkeme” dip ataluçı tirä-yaq möxitne saqlaw oyışması ütkärgän. Alar AQŞ supermarketlarında satıluçı tarttırılğan kürkä iteneñ 79%ında, duñğız iteneñ 71%ında, tarttırılğan sıyır iteneñ 62%ında, tawıq qanatı, botı häm aq iteneñ 36%ında älege köçle bakteriyanı tabalar.  

“Êkologiya êş törkeme”neñ xisabın yazğan tuqlanu belgeçe Don Unduraga beldergänçä, qullanuçılar aşağan itläreneñ êçendä närsä buluın belergä tiyeş. Sälamätlek saqlaw ictimağıy kiñäşçese häm veterinar tabib Geyl Xansen da bu bakteriyalarnıñ, keşelär häm xaywannarnıñ aş qaynatu orğannarında başqa bakteriyalar belän êlemtägä kerep, alarğa antibiotıkka qarşı toruçı gennarnı küçerüen belderde. Şul säbäple infekśiyälärdän däwalaw qıyınlaşa.

Xisapta äytelgänçä, keşelärneñ sälamätlegenä citdi yanaw buluğa qaramastan, AQŞ xökümäte sälamät xaywannarğa da antibiotik birelüenä röxsät itä. Törkem AQŞ Azıq-tölek häm daru idaräsen “süper bakteriya” mäs’äläsendä êşçänlek başlarğa çaqırdı.