Räfax çik qapqası yabıldı

İzrail’qamalışındağı Ğazzäneñ dön’yağa açılğan berdänber işege sanaluçı Räfax çik qapqası bügennän ike tarafqa da yabıldı. Räsmi zatlar beldergänçä, 3 kön däwamında annan ütü mömkin bulmayaçaq. Bu qararnı Misır idaräse çığarğan. Qapqanıñ 3 könnän soñ qabat açılacağın belderälär.   

Ğazzädäge 7 çik qapqasınıñ 6sı İzrail’neñ kontrolendä. Barı tik Räfax qına Misır tarafına açıla. Qamalış säbäple, ul töbäkneñ dön’yağa açılğan berdänber qapqası. Räfax ta Misırda 2013nçe yılnıñ 3nçe iyülendä bulğan xärbi tüntäreleştän soñ yış yabılıp tora.