Ber atna diñgezdä kötkän migrantlarnı Mal'ta qabul itte

Liviya sulıqlarında qotqarılğan 234 qaçaq migrantnı taşuçı ictimağıy oyışma “Mission Lifeline”nıñ köymäsenä Mal’tağa kerergä röxsät ittelär. Köymä yaqınça ber atnadır diñgezdä. Anıñ êçendä 234 qaçaq bar. Alarnıñ 4sen cirgä çığuğa xastaxanägä ilttelär. Awır xäldägelärneñ 4se bäbäy. Başqa qaçaqlar Migrant qabul itü üzägenä iltelde.   

8 Awrupa Berlege däwläte arasında tözelgän kileşügä kürä, qaçaqlar, dokument êşläre tämamlanğannan soñ, Mal’ta, İtaliya, Franśiya, İrlandiya, Lyuksemburg, Portugaliya, Bel’giya häm Gollandiya arasında taratılaçaq.

Köymäneñ kapitanı isä soraştıru öçen Mal’ta poliśiyäse tarafınnan qulğa alındı. Tikşerü tämamlanğaç ul köymäsenä kire kitä ala. Ämma köymäne Mal’ta xökümäte konfiskaśiyäläde, ul ildän çığa almıy.