Tailandta yuğalğan sportçılardan xäbär yuq

Tailandta şimbä könne kergän ber mäğarädä yabılıp qalğan 12 yäş’ futbolçı häm trenerlarınnan xaman xäbär yuq.

Êzläw êşlärendä qotqaruçılar, üz ixtıyarı belän yärdäm itüçelär häm xärbilär berdäm xäräkät itä. Köçle yawım-töşem häm sunıñ kütärelüe alarnıñ êşen awırlaştıra. Yuğalğan keşelärneñ mäğarä êçendä ber cirgä sıyınğan buluları bar. Su biyeklege 5 metrğa citkäç êzläwgä xärbi akvalangistlar da quşıldı. Qayber urınnarda su däräcäseneñ säğat’ sayın 15 santimetrğa kütärelüe borçu tudıra.

Mäğarä qapqasında balalarnıñ äti-äniläre özleksez kötüdä. Yäş’ futbolçılarnıñ yäşe 11 belän 15 arasında.