Tön’yaq häm Kön’yaq Koreya arasında timer yulı
Kim Çen-ın häm Mun Çje-in illäreneñ timer yul belän bäylänüen teli
Tön’yaq häm Kön’yaq Koreya arasında timer yulı tözergä äzerlänälär. İke däwlätneñ liderları arasında 27nçe aprel’dä uzğan sammitta bu xaqta kileşengän ide. Kim Çen-ın häm Mun Çje-in illäreneñ timer yul belän bäylänüen teli.
İke tarafnıñ da wäkilläre çiktäge Pan’mın’çjone “utnı tuqtatu” awılında oçraşıp yasalaçaq adımnar turında söyläşte.
Älege timer yul ike däwlätneñ fizik berläşüenä yünälgän täwge nıq adımnarnıñ berse bulaçaq.
Tön’yaq häm Kön’yaq Koreya arasında xäzerge waqıtta ber poyızd yulı bar. Anı 20nçe ğasırda, Koreya suğışına qadär, Yaponiya tözegän. Timer yulı êlemtäse Seuldan Pxen’yan häm Sinıydjuğa kitä.
Koreya yarımutrawınıñ könçığış tarafındağı timer yulları Kön’yaq Koreyanıñ port şähäre Busannı Rusiyä artqılı Awrupa belän totaştıra alaçaq. Bu, monnan tış, awır sanksiyälär astında qalğan Tön’yaq Koreyanıñ dön’yağa açılğan qapqası bulaçaq.
