Marstağı serle taşlıqlar – vulkan näticäse?

Marstağı serle taşlıqlarnıñ çığanağı kük yözenä gaz, taş häm köl atuçı vulkanik şartlawlar buluı mömkin. Belgeçlär Qızıl planetanıñ êkvator sızığına yaqın, ire häm ğadättän tış yomşaq taşlıqlarğa iğ’tibar yünältte. Tikşerenülär barışında bu tawçıqlarnıñ 3 milliard yıl êlek vulkanik şartlawlar waqıtında barlıqqa kilüe farazlandı. Taşlıq AQŞnıñ biştän bere qadär mäydannı qaplap tora. Cirdäge iñ zur vulkanik taşlıqlardan 100 tapqır zurraq. Anı tikşerü Marsnıñ êçke öleşe häm ütkändäge tormış mömkinlekläre xaqında tağın da kübräk mäğ’lümat cıyarğa yärdäm itäçäk. Belgeçlär taşlıqnıñ Mars öçen genä tügel, Qoyaş sisteması öçen dä ğayät’ zur buluın söyli. Monnan tış, Marstağı vulkanik şartlawlar klimat üzgärügä säbäpçe bulğan gazlarnı atmosferağa çığarıp planeta östeneñ su belän qaplanuına kitergän bulırğa mömkin.