Yaponiya häm Gvatemalada cir teträw

Yaponiyada bulğan 6,1 däräcäsendäge cir teträwdä 3 keşeneñ ğomere özelde, 300dän artığı yaralandı. Meteorologlar xäbär itüençä, xäl Osaka şähäre yanında bula. Cir teträwne toraq punktnıñ tön’yağında, cir astında 13 kilometr tiränlektä terkilär. Berençel mäğ’lümatlarğa qarağanda, 3 keşe ülgän, yaqınça 100 keşe yaralanğan. Küp sanda binalarda yanğın çıqtı, yullar yarıldı häm suütkärgeçlär zarar kürde. Cir teträwdän soñ oçqıç häm poyızd säfärläre tuqtatıldı.

Osaka yanındağı atom-töş stanśiyäläreneñ zıyan kürmäwen belderälär.   

Şul uq  waqıtta Gvatemalada da 5,6 zurlığında cir teträw buldı. AQŞnıñ Geologik tikşerenülär üzäge anıñ 99 kilometr tiränlektä terkälüen belderde. Cir teträwdä berkem dä zıyan kürmägän. İldä 2 atna êlek Fuêgo Yanartawında bulğan şartlawlarda 114 keşeneñ ğomere özelgän ide.