G7neñ qaytawazı

Kanadanıñ Kvebek Siti şähärendä oyıştırılğan G7 liderlar sammitında AQŞ ilbaşı Donal’d Tramp häm başqa däwlät başlıqları arasında bulğan kiyerenkelekneñ qaytawazı äle xaman däwam itä.

Aq Yort milli säwdä şurası direktorı Piter Navarro Foks N’yusqa birgän interv’yusında Kanada xökümäte başlığı Djastin Tryudonı tänqıyt’läde.

“İlbaşı Tramp belän naçar niyätle diplomatiya tözegän hän anıñ arqasına pıçaq batırğan barlıq çit il liderları öçen cähännämdä maxsus urın bar. Djastin Tryudo kürsätmä matbuğat konferenśiyäse belän monı êşläde,”-dide ul.  

AQŞ ilbaşı Tramp üze sammittan kitkännän soñ Kanada xökümäte başlığının jurnalistlar qarşında qorıç häm alyuminiy tarifların tänqıyt’läwen oşatmağan. Şuña kürä Twitterdan G7neñ yomğaqlaw deklaraśiyäsen imzalamayacağı xaqında belderde.   

“Xökümät başlığı Tryudo, min kitkännän soñ matbuğat konferenśiyäse oyıştırıp, AQŞ tamojnya salımnarınıñ mısqıllaw buluın söylägängä qadär G7 cıyılışında bik qarusız häm yaxşı möğamälädä ide. Niqadär ikeyözle häm zäğıyf’,”-dide ul.

Tryudo matbuğat kiñäşmäsendä kanadalılarnıñ Berençe bötendön’ya suğışınnan birle AQŞ xärbiläre belän iñgä-iñ quyıp suğışuın xäterlätte. Ul Amerikanıñ Kanadadan kerteläçäk qorıç häm alyuminiyğa tamojnya salımı bilgeläwe Kanada xalqın mısqıllaw dip bäyäläde.