Braziliyada çualışlar

Braziliyanıñ Minas-Jerays töbägendä çıqqan çualışlarda 3 köndä 47 keşe qulğa alındı. Töbäk gubernatorı Fernando Pimentel beldergänçä, 26 rayonda bulğan tärtip bozular waqıtında distälärçä bank, poçta häm poliśiya bülege binası zarar kürgän, 50 muniśipal’ avtobus yandırılğan. İminiyät xezmätkärläre höcüm itelergä mömkin bulğan avtobus yulların kontrol’dä tota. Bu çualışlarnıñ artında töbäktäge törmä sistemasınıñ qırıslanuına rizasızlıq kürsätüçe cinayät’çel törkemnär toruın farazlıylar. Çönki alarnıñ räşätkä artında utıruçılar belän êlemtäsen tuqtatu öçen törmälärgä signal özüçelär urnaştırıldı.