NASAnıñ yaña missiyäse

Amerikanıñ aviaśiya häm ğaläm agentlığı (NASA) 2024nçe yılda ğalämgä cibärergä planlaştırıluçı yaña tikşerenü iyärçene İMAP xaqında cämäğat’çelekkä belderde. Älege iyärçen yoldızlararası karta tözü häm tizläneşne tikşerü öçen qullanılaçaq. İMAP Koyaş sistemasınıñ başqa sistemalar belän êlemtäsen täêmin itüçe magnitlı şar räweşendäge geliosfera qatlawında centekle êzlänülär ütkäräçäk.

Qoyaş cilläre dip ataluçı Qoyaştan qubıp yıraqlaşuçı matdäçek dulqınnarı geliosfera qatlawında başqa yoldız sistemalarınnan qupqan materiallar belän bäreleşä. Bu bäreleşü zararlı kosmik nurlanışnıñ Qoyaş sistemasına ütep kerüen totqarlıy. İMAP bu bäreleşkän materiallardan ürnäklär cıyıp tikşeräçäk.

NASAdan belderülärençä, yaña iyärçenneñ tabıldıqları Qoyaş sistemasınıñ ar’yağına keşele apparatlar cibärü öçen kiräkle mäğ’lümat biräçäk.