İzrail’ täwge tapqır NATO xärbi künegülärendä qatnaşa

İzrail’ NATOnıñ AQŞ citäkçelegendä Pol’şa, Litva, Latviya häm Êstoniyada başlanğan “Qılıç höcüme 18” xärbi künegülärendä qatnaşa. Bu İzrail’neñ NATO köçläre belän bergä täwge öyränüläre.  

“Qılıç höcüme 18”, monnan tış, töbäktä bu qadär kiñ külämdä oyıştırılğan berençe xärbi künegülär bulaçaq. İzrail’ anıñ 2nçe öleşendä qatnaşaçaq. Öyränü uzuçı başqa däwlätlär AQŞ, Angliya, Franśiya, İtaliya, Kanada, Litva, Latviya, Gollandiya, Makedoniya, Pol’şa, İspaniya, Rumıniya, Norvegiya, Çexiya.

AQŞnıñ Awrupa armiyäsennän belderülärençä, bu öyränülär ittifaq’nıñ könçığış qanatın saqlaw niyäte belän oyıştırıla. Maqsatı – berläşmä äğ’zaları arasında berdämlek häm tayanışuğa basım yasaw. Belderüdä xärbi künegülärneñ Rusiyäne provokaśiyäläw öçen uzdırılmawın assızıqlağannar.