Fälästinlelärneñ “yärdäm färeştäse” üterelde

Fälästinlelär “yärdäm färeştäse” dip yörtüçe şäfqat’ tutaşı Räzzan än-Näccar Gazzä çigendä İzrail’ snayperı tarafınnan atıp üterelde. 21 yäş’lek Räzzannı soñğı yulğa ozatırğa meñnärçä keşe kilgän ide. Ul “Böyek qaytu yöreşe” çaralarına yärdäm itü öçen üz ixtıyarı belän Gazzä çigeneñ iñ qırıy noqtasına barğan. Ämma yäş’ şäfqat’ tutaşı Xan Yunus şähärendä oyıştırılğan çaralar waqıtında yaralanuçılar yanına aşıqqanda üterelgän. Batır qıznıñ cenazasında İzrail’gä qarşı şiğar’lär äytelde.  

İzrail’ armiyäse bu mäs’älä belän bäyle standart prośedura tormışqa aşırıluın häm waqıyğanı soraştıru başlawın belderde.

Fälästinlelär isä Räzzannıñ üterelüeneñ açıqtan-açıq suğış cinayäte buluın söyli.

BMO wäkilläre şäfqat’ tutaşınıñ östendä aq al’yapqıç buluın häm monıñ belän mediśina xezmätkäre ikänen kürsätep toruın assızıqladı. Älar, şuña da qaramastan, qıznıñ nişanğa alınuın tänqıyt’läde.

İzrail’ qamalışında yıllardır gumanitar krizis êçendä yäşäwçe Gazzä xalqı 30nçı marttat başlap “Böyek qaytu yöreşe” çaraların däwam itä. Şul waqıt êçendä 115tän artıq fälästinle İzrail’ xärbiläre tarafınnan üterelde.