Tön’yaq Koreyadän AQŞqa säfär

Tön’yaq Koreyale yuğarı däräcäle ber räsmi zat Singapurda uzuı planlanğan liderlar oçraşuınnan alda söyläşülärdä qatnaşır öçen Amerika Quşma Ştatlarına baraçaq.

Kön’yaq Koreyaneň xäbäre agentlığı Yonhap beldergänçä Tön’yaq Koreyadäge Êşçe partiyase üzäk komitetı başlığı urınbasarı Kim Çjen-çol başta Qıtay başqalası Pekindağı hawa mäydanında Qıtay räsmi zatları belän küreşep söyläşäçäk, soňınnan AQŞqa säfär yasayaçaq.

Säfärneň Tön’yaq Koreya häm AQŞ wäkillekläreneň Singapur oçraşuı öçen Seulda ütkärgän äzerlek söyläşülärennän soň çınğa aşuı iğtibarnı cälep itä.

Kimnıň AQŞta da Singapurda uzuı planlanğan liderlar oçraşuınnan alda söyläşülär ütkäräçäge citkerelde.

Tön’yaq Koreyaneň êlekke xärbi küzläw şefı bulğan Kim atom-töş qoralsızlanu häm iminlek mäs’älälären yaxşı belüe belän tanıla.

Kim ütkändä Kön’yaq Koreya citäkçelege tarafınnan Tön’yaq Koreya armiyase kereşkän qayber provokativ ğamällärdän cawaplı totılğan ide.