Möselman ğalimnärennän çaqıru
Bötendönya möselman ğalimnäre berlege, İzrailneñ Fälästin xalqına qarşı yasağan wäxşi cinayätlärne gäyepläp, Ğazzädäge İzrail qamawın beterergä çaqırdı
Berlektän yasalğan yazma belderüdä, İzrailneñ Fälästin xalqına qarşı yasağan wäxşi cinayätläre gäyeplänep, bolarnıñ keşelekkä qarşı zur cinayät buluına basım yasaldı.
Şuşı cinayät’lär aldında tawışsız qalmawnıñ zarurlığı assızıqlanğan belderüdä Ğazzägä “kürşe illärgä” qamawnı beterü çaqıruı yasaldı.
Ayıruça böten möselmannar Fälästin xalqınıñ qayğı-mixnäten beterü öçen êşlärgä, din ähelläre häm dini oyışmalar da töbäktäge “sionist säyäsätlärgä” qarşı êşçänlek alıp barırğa çaqırıldı.
Fälästinlelär qamaw astındağı Ğazzä sızığınıñ İzrail çige buyında 30nçı marttan birle “Zur qaytu yöreşe” dip atalğan tınıç uram cıyınnarın ütkärä.
İzrail xärbiläre isä “sörgen itelgän cirlärenä qaytunı häm 2006nçı yıldan birle Ğazzägä qarşı qullanılğan xoquqsız qamawnıñ beterelüen” taläp itkän tınıç xalıqqa çın pulyalar belän ut aça.
Uram cıyınnarınıñ başınnan birle jurnalistlar häm balalar belän bergä 110nan kübräk fälästinle İzrail xärbiläre tarafınnan şähit itelde, meñnärçä fälästinle yaralandı.
Fälästindä 2006nçı yılda ütkärelgän häm “Hamas” ciñgän saylawdan soñ İzrail Ğazzä sızığına ciröste, diñgez häm hawadan qamalış yasıy başlağan ide. Xalıqara reakśiyälärgä qaramastan Ğazzägä qarşı qamaw tuqtawsız däwam itä.
