Liviyadä bombalı höcüm
Höcümdӓ 1se bala bulğan barlığı 6 keşeneñ ğomere özelde
Liviyaneñ Bingazi şӓhӓrendӓ bomba töyӓlgӓn transport çarası belӓn oyıştırılğan höcümdӓ 1se bala bulğan barlığı 6 keşeneñ ğomere özelde, 20dӓn artıq keşe yaralandı.
Bingazidӓge Üzӓk iminlek berӓmlege süzçese Tarık ӓl-Harraz şӓhӓr üzӓgendӓge Cӓmal prospektında bomba töyӓlgӓn maşina belӓn oyıştırılğan höcümdӓ 20dӓn artıq keşeneñ dӓ yaralanuın ӓytte.
Höcümneñ süriyӓle ber wӓkillek oyıştırğan Xalıqara Süriyӓ sӓnğatlӓre sӓnӓgӓte yӓrminkӓse yanında yasaluın beldergӓn Harraz: “Höcümne oyıştırğan terror oyışmaları dönyağa Bingazineñ imin urın bulmawın citkerergӓ teli. Waqiğa belӓn bӓyle tikşerülӓr dӓwam itӓ,” – dide.
Höcümneñ cawaplılığın ӓlegӓ üz östenӓ aluçı bulmadı.
Bäyläneşle xäbärlär
Çilidä poyezd (поезд) qazası
Kön’yaq Amerika ile Çilidä yulçı poyezdı (пассажир поезды) yök poyezdı (йөк поезды) belän bäreleşkän