Tön’yaq Koreya atom-töş sınawı poligonın tulısınça yuqqa çığardı

Tön’yaq Koreya atom-töş sınawı poligonın tulısınça yuqqa çığaruın xäbär itte. İlneñ räsmi agentı beldergänçä, Pungeridäge barlıq tunel’lär şartlatılğan häm kerü yulları biklängän. Monnan tış, poligondağı qayber ob’yektlar häm küzätü noqtaları alındı. Bu waqıyğanı küzätü öçen AQŞ, Kön’yaq Koreya, Rusiyä häm Angliyadan jurnalistlar çaqırılğan ide.  

Tön’yaq Koreya 12 iyun’dä liderları Kim Çjen İn belän AQŞ ilbaşı Donal’d Tramp arasında Singapurda uzaçaq sammitqa qadär atom-töş sınaw mäydanın buşataçağın beldergän ide. İlneñ Tışqı êşlär ministrlığınnan xäbär itelgänçä, 23nçe-25nçe mayda poligondağı tunel’lär şartlatılaçaq, küzläw häm tikşerü ob’yektları buşatılaçaq, saq berämlekläre ul urınnan çığarılaçaq.