Amerika diplomatlarına “tawış höcüme”

Qıtayda êşläwçe amerikalı ber diplomatnıñ sälamätlegenä şiqayäteneñ Kubadağı diplomatlarğa yasalğan “tawış höcüme”ndägegä oxşawın belderälär. Bu turıda AQŞ däwlät särqatibe Mayk Pompeo äytte. Ul Qıtaydağı amerikalı diplomatnıñ “tawışlar işetüe häm basım xis itüen” söyläde. Pompeo küptän tügel Qubadağı diplomatlar häm ğailä äğ’zalarınıñ da şundıy uq sawlıq problemaları buluın assızıqladı. 2016nçı-2017nçe yıllarda Gavana ilçelegendäge 24 keşe oxşaş simptomnardan şiqayät’ itkän ide. Alarda çuqraqlanu, baş äylänü, küñel bolğanu, waqıtlıça suqırayu häm, xätta, ciñelçä baş miye selkenü küzätelde. Monı bertörle “tawış höcüme” bularaq atadılar. Nindider cihaz ğadäti keşe qolağına işetelmi torğan diapozonda köçle tawış çığarıp sälamätlekkä zarar bira dip farazlandı. Bu xäldän soñ AQŞ Gavanadağı diplomatlar sanın kimette. Kuba “tawış höcüme” yasaluın qabul itmäde.

AQŞ däwlät departamentı süzçese Xizer Nauêrt Qıtaydağı diplomatnıñ 2017nçe yılnıñ soñğı aylarında sälamätlegennän zarlana başlawın belderde. Anı AQŞqa qaytarğannar.