Franśiya prem’yer-ministrı İzrail’gä säfärdän baş tarttı
Räsmi belderüdä xökümättä êşlärneñ tığız buluın säbäp itep kürsätälär
![Franśiya prem’yer-ministrı İzrail’gä säfärdän baş tarttı](http://cdn.trt.net.tr/images/xlarge/rectangle/ed14/5bca/682e/5b0555524e4ed.jpg?time=1718804552)
Franśiya prem’yer-ministrı Êduard Filipp İzrail’gä bu ay axırında planlaştırılğan räsmi säfärennän baş tarttı. Ul 31nçe may-1nçe iyün’dä bulırğa tiyeş ide. Räsmi belderüdä xökümättä êşlärneñ tığız buluın säbäp itep kürsätälär.
Le Figaro gazetı Filippnıñ İzrail’ säyäxätennän baş tartuınıñ artında ildäge timer yulı reforması, ictimağıy radio-televideniyelär êşçänlege belän bäyle üzgäreşlär buluın yazdı.
Franśiya idaräse AQŞ ilbaşı Donal’d Trampnıñ İzrail’däge ilçelekne Tel-Avivtan Qudüskä küçerü qararına rizasızlıq kürsätte, bu adımnıñ töbäktäge ike däwlätle çişeleş ömetlären yuqqa çığaruın belderde.
Tışqı êşlär ministrı Jan – İv Le Drian: “AQŞ monıñ belän Berläşkän Millätlär iminlek şurasınıñ qararların bozdı häm xalıqara xoquqqa qarşı çıqtı,”-dide.