Räfax çik qapqası ramazan ayı buyınça açıq toraçaq

Misır idaräse İzrail’ qamalışındağı Gazzänıñ dön’yağa açılğan berdänber çik qapqası Räfaxnıñ ramazan ayı buyınça açıq toraçağın belderde. Monı töbäk xalqınıñ xälen yaxşırtu öçen êşlilär. Misır ilbaşı Äbdulfättah äs-Sisi Feysbuk säxifäsennän beldergänçä, çik qapqasın açıq totu öçen mönäsäbätle organnarğa tiyeşle kürsätmälär birelgän.  

Misır idaräse Räfax çik qapqasın gumanitar yärdäm öçen şimbä könne 4 köngä dip açqan ide. Gazzägä kerep-çığu mömkin bulğan 7 çik buyı qapqasınıñ 6sı İzrail’ kontrolendä. Bu 6 qapqanıñ 4se säwdä maqsatı belän qullanıla ide. Ämma Xamasnıñ 2007nçe yılda saylawlarda ciñüennän soñ alar biklände. Qalğan 2 qapqadan Beyt Xanun dip atalğanı çit il pasportı bulğannar, xasta häm êşmäkärlärneñ İordannıñ Könbatış üzänlegenä kiçüe öçen, Kärim Äbu Salim isä qayber tovarlarnı kertü öçen qullanıla. Älege qapqalar törle säbäplär belän bik yış yabıla.  

Misır idaräse 2013nçe yılda bulğan xärbi tüntäreleştän soñ Räfax çik qapqasın daimi yabıq tota